13 Asa eri kommoaldi rehn seme mehn mahs ako;+ e mehla ni kapahisek ehun sounpar en eh mwehi. 14 Irail eri sarepedi ih nan lapalahn sousou ehu me e weirada ong pein ih nan Kahnimw en Depit,+ oh re kihdi pohn mehn wisik mehla ehu me audaudki lehn palsam* oh soangsoangen mehn doal kan oh leh pwohmwahu kan me doalpene.+ Oh re pil wiahda lapalahn kisiniei ehu ong ih* ni eh mehlao.

4 Ahpw, rong mahsen en Siohwa, Nanmwarki Sedekaia en Suda, ‘Iet me Siohwa ketin mahsaniheki duwen kowe: “Ke sohte pahn mehkihla kedlahs. 5 Ke pahn mehla ni popohl,+ oh irail pahn isik mehn kapwohtik kan ni ahnsou me ke pahn seridi duwehte me re wiahiong semomw ko, nanmwarki kan me kohdo mwohmw, oh re pahn mwahieikin uhk nda, ‘At nanmwarki!’ pwehki ‘I mahsaniher mahseno,’ Siohwa me ketin mahmahsen.”’”’”