20 Miriam lih soukohpo, rien Aaron liho, ahpw ale dampwurin ehu, oh lih koaros idawehnla ih wa dampwurin kei oh kahkahlek.

5 Rahno Depora+ oh Parak+ nein Apinoham koulki koul pwoatet:+

34 Sepda eri pwurala ni imweo nan Mispa,+ oh kilang! nah serepeino itihtik dampwurin oh kahkahlek kohkodohng tuhwong ih! Eri, ihte nah serien mwo. Sohte nah pwutak de serepein likin serio.

6 Ni ahnsou me Depit oh meteikan kin pwurodo sang ar kin kemehla mehn Pilisdia kan, lih akan kin kohieisang nan kahnimw en Israel koaros kokoul+ oh kahkahlek kolahng tuhwong Nanmwarki Sohl. Re kin pereperen kesekesengki dampwurin+ oh luhd kan.*