• Melkahka 53:nting kan me mi pohn irelaud-6
    Paipel—Kawehwehn Sampah Kapw

    • Ong sounpihtih keseng; wiepen Maalad.* Maskil.* En Depit melkahka.

      53 Me pweipwei* men kin nda nan eh mohngiong:

      “Sohte Siohwa.”+

      Ar wiewia kan me suwed oh kasaut;

      Sohte me kin wia me mwahu.+

       2 Ahpw Koht kin ketin iroirdiong pohn aramas akan sang nanleng+

      Pwe en ketin mahsanih ma mie me loalokong, ma mie me kin rapahki Siohwa.+

       3 Irail koaros sohpeilahr;

      Irail koaros suwed.

      Sohte me kin wia me mwahu,

      Sohte mwahn pil emen.+

       4 Ia duwe, irail me kin wia me suwed sohte kin wehwehki?

      Re kin kadallehla nei aramas akan duwehte ar kin kang pilawa.

      Re sohte kin likweriong Siohwa.+

       5 Ahpw re pahn masepwehkada douluhl,

      Ni soangen masepwehk ehu me sohte kin lel irail sangete mahso,*

      Pwe Koht pahn ketin kamwarakpeseng tihn irail kan me kin mahweniong uhk.*

      Ke pahn kanamenekihirailla, pwe Siohwa ketin soikiraillahr.

       6 Ia uwen ei kin kapakap pwe komourpen Israel en kohdo sang Saion!+

      Ni ahnsou me Siohwa pahn ketin kapwurehdo sapwellime aramas selidi kan,

      Seikop en perenda, Israel en perenda.

  • Rom 3:10-12
    Paipel—Kawehwehn Sampah Kapw

    • 10 nin duwen me ntingdier: “Sohte aramas pwung men mie, sohte mwahn emen;+ 11 sohte emen me ahneki koahiek en dehdehki mwahu, sohte emen me kin rapahki Koht. 12 Aramas koaros sohpeisang, irail koaros solahr katepe; sohte emen mie me kin kasalehda kadek, sohte mwahn emen.”+