6 Kumwail pahn idawehn mepwukat ni keneinei,+ pwehki met pahn kasalehda me kumwail ahneki erpit+ oh koahiek en wehwehki+ ire kan mwohn wehi teikan me pahn rong duwen koasoandi pwukat koaros, oh re pahn nda, ‘Wehi laud wet uhdahn pwihnen aramas ehu me loalokong oh koahiek en wehwehki ire kan.’+

7 “Ihte ken kommwad oh uhdahn kehlail, oh kapwaiada ni keneinei Kosonnedo pwon me Moses ei laduwo kehkehlingkihong uhk. Ke dehr wetsang, sohte lipilipil ma ni palimaun de ni palimeing,+ pwe ken mwekid ni erpit wasa koaros me ke pahn kohla ie.+ 8 Ke dehr uhdihsang koasoia pwuhken Kosonned wet,+ oh ke anahne wadek ni ngihl tikitik* ni rahn oh nipwong, pwe ken kapwaiada ni keneinei mehkoaros me ntingdier loale;+ ke ahpw pahn pweida oh mwekid ni erpit.+

3 Ke anahne kolokolete omw pwukoa ong Siohwa omw Koht, ni omw kin kekeid nan sapwellime ahl akan oh kin kapwaiada sapwellime koasoandi kan, kehkehlik kan, kopwung kan oh mehn kataman kan nin duwen ar ntingdier nan Kosonned en Moses;+ ke ahpw pahn pweida* ni soahng koaros me ke kin wia oh wasa koaros me ke kin kohla ie.

14 Ahpw kowe, ke en pousehlahte idawehn soahng kan me ke sukuhlkier oh kamehlelehier,+ oh ke ese ihs me ke sukuhlkihsang soahng pwukat 15 oh sangete ni omw seri pwelel,+ ke eseier nting sarawi kan,+ me kak kahrehiong uhk en loalokongla, me pahn imwikihla omw komourla sang ni omw pwoson Krais Sises.+