27 Kaping en kohwong Siohwa, Koht en samatail mehn mahs ako, me ketin kamwakid mohngiong en nanmwarki en kalinganahla tehnpesen Siohwa nan Serusalem!+ 28 Oh e ketin kasalehiong ie limpoak loalopwoat mwohn nanmwarki+ oh nah sounkaweid kan+ oh nein nanmwarkio lapalap akan koaros. Ngehi eri kakehleiehda pwehki limen Siohwa ei Koht eh ketiket pohi, oh I kihpene kaun akan sang Israel pwe ren iang ie kohdahla.

11 Rahno Siohwa pahn ketin pwurehng kapahla lime, keriapak, pwehn ketin pwurehng ale luhwen sapwellime aramas akan me luhwehdi sang Asiria,+ sang Isip,+ sang Padros,+ sang Kus,+ sang Elam,+ sang Sainar,* sang Amad oh sang dekehn nansed kan.+