14 Pereperen erein omw kasarawi,+ kowe oh noumw pwutak, noumw serepein, noumw lidu ohl, noumw lidu lih, mehn Lipai, mehn liki, me sepwoupwou oh liohdi, me kin mi nan omw kahnimw kan.

16 “Pak siluh nan sounpar ehu, noumw ohl koaros pahn patohla mwohn silangin Siohwa omw Koht nan wasa me e ketin pilada ie: ni Kasarawien Pilawa me Sohte Doal Ihs,+ Kasarawien Wihk kan,+ oh Kasarawien Impwal kan,*+ oh sohte emen irail pahn patohla mwohn silangin Siohwa kahiep.

23 Mwomwohdiso pwon eri koasoanehdi ren pil usehla wia met erein rahn isuh, irail eri wia met erein rahn isuh ni ar pereperen.+ 24 Oh Nanmwarki Esekaia en Suda kihong mwomwohdiso kou wol 1,000 oh sihpw 7,000, oh lapalap akan kihong mwomwohdiso kou wol 1,000 oh sihpw 10,000;+ oh samworo tohto kasarawihala pein irail.+