• Deuderonomi 1:16, 17
    Paipel—Kawehwehn Sampah Kapw

    • 16 “Ni ahnsowo I padahkihong noumwail sounkopwung kan, ‘Ni amwail pahn karonge repenpwung ehu nanpwungen riamwail kan, kumwail pahn kopwung ni pwung pahrek+ nanpwungen aramas emen oh rie de mehn liki men me kousoan rehmwail.+ 17 Kumwail sohte pahn lipilipilki aramas ni amwail kopwung.+ Kumwail pahn karonge me tikitik men duwehte me lapalap men.+ Kumwail sohte pahn masak aramas,+ pwe kumwail kin kopwung ong Koht;+ oh ma repenpwung ehu me nohn apwal ong kumwail, kumwail pahn wadohng ie, oh I pahn karonge.’+

  • Melkahka 72:1, 2
    Paipel—Kawehwehn Sampah Kapw

    • 72 Maing Koht, komw ketin padahkih nanmwarkio pwehn wia kopwung nin duwen sapwellimomwi kopwung,

      Oh komw ketikihong nanmwarkio* sapwellimomwi pwung.+

       2 En kin perehki sapwellimomwi aramas akan pwung,

      Oh me tikitik kan pwung pahrek.+

  • Aiseia 11:4
    Paipel—Kawehwehn Sampah Kapw

    •  4 E pahn ketin kadeik me semwehmwe kan ni pahrek,*

      Oh sang ni pwung e pahn ketikihda peneu pwehki me opampap kan nin sampah.

      E pahn ketin poakiheki sampah sokon en doauese+

      Oh ketin kemehkihla me suwed kan ahng* en kilin ewe kan.+