• Aiseia 65:13, 14
    Paipel—Kawehwehn Sampah Kapw

    • 13 Eri iet me Kaun Wasa Lapalahpie Siohwa ketin mahsanih:

      “Kilang! Nei ladu kan pahn tungoal, ahpw kumwail pahn duhpekla.+

      Kilang! Nei ladu kan pahn nimpil,+ ahpw kumwail pahn men nimpilda.

      Kilang! Nei ladu kan pahn perenda,+ ahpw kumwail pahn namenekla.+

      14 Kilang! Nei ladu kan pahn wer ni peren pwehki irair mwahu en mohngiong,

      Ahpw kumwail pahn sengiseng pwehki medek en mohngiong

      Oh kumwail pahn mwahiei pwehki madamadau* en sohla koapworopwor.

  • Seremaia 17:13
    Paipel—Kawehwehn Sampah Kapw

    • 13 Maing Siohwa, koapworopwor en Israel,

      Irail koaros me keseikomwihla pahn namenekla.

      Irail me sohpeisangehr komwi* pahn sohrala duwehte nting kan nan pwelpar,+

      Pwehki irail kesehla Siohwa, utupen pilen komour.+

  • Seremaia 17:18
    Paipel—Kawehwehn Sampah Kapw

    • 18 Irail me kin kaloke ie ren namenekla,+

      Ahpw komw dehr ketin mweidohng ie I en namenekla.

      Irail en masepwehkada,

      Ahpw komw dehr ketin mweidohng ie I en masepwehkada.

      Komw ketikihdo rahnen kahpwal pohrail,+

      Oh kamwuteirailpene oh kamwomwirailla douluhl.*