• 2 Kronikel 32:21, 22
    Paipel—Kawehwehn Sampah Kapw

    • 21 Siohwa eri ketin poaronehla tohnleng men oh kasohrehla sounpei kehlail koaros+ oh kaun akan koaros me mi nan kahnimpwal en nanmwarkien Asiria. Ih eri namenekla oh pwurala nan sapweo. Mwuhr e pedolong nan imwen kaudok en eh kohto, oh ekei nah pwutak ko ahpw kemehkihla ih kedlahs wasao.+ 22 Siohwa eri ketin kapitala Esekaia oh tohn Serusalem kan sang nan pehn Nanmwarki Senakerip en Asiria oh sang nan pehn imwintihti teikan koaros oh ketikihong irail popohl* wasa koaros.

  • Aiseia 31:8
    Paipel—Kawehwehn Sampah Kapw

    •  8 Oh mehn Asiria pahn mehkihla kedlahs, kaidehn sang aramas emen;

      Oh kedlahs pwoat pahn kadallehla ih, kaidehn aramas emen.+

      E pahn tang pwehki kedlahs,

      Oh nah mwahnakapw kan pahn wia doadoahk idihd kan.

  • Aiseia 37:36, 37
    Paipel—Kawehwehn Sampah Kapw

    • 36 Oh sapwellimen Siohwa tohnleng men eri kohla oh kemehla ohl 185,000 nan kahnimpwal en mehn Asiria kan. Ni ahnsou me aramas ako sangkenei pirida, irail kilangada paliwar mehla ko koaros.+ 37 Eri Nanmwarki Senakerip en Asiria ahpw mweselda oh pwurala Ninipe+ oh mihmi wasao.+