39 Ni ahnsowo nanmwarkien Papilon, Merodak-paladan nein Paladan, ahpw kadaralahng Esekaia kisinlikou kan oh kisakis ehu,+ pwe e rongada me e soumwahuda oh mwahula.+ 2 Esekaia eri perenki kasamwo* irail oh kasalehiong irail eh wasahn nahk dipwisou kesempwal kan+—silper, kohl, lehn palsam* oh leh kesempwal teikan, eh imwen nahk dipwisoun mahwen koaros, oh mehkoaros me dierek nan eh wasahn nahk dipwisou kesempwal kan. Sohte mehkot ehu me Esekaia sohte kasalehiong irail nan tehnpese oh nan eh wehi pwon.