-
Aiseia 11:11, 12Paipel—Kawehwehn Sampah Kapw
-
-
11 Rahno Siohwa pahn ketin pwurehng kapahla lime, keriapak, pwehn ketin pwurehng ale luhwen sapwellime aramas akan me luhwehdi sang Asiria,+ sang Isip,+ sang Padros,+ sang Kus,+ sang Elam,+ sang Sainar,* sang Amad oh sang dekehn nansed kan.+ 12 E pahn ketin kauwada kilel ehu* ong wehi kan oh ketikipene mehn Israel kan me mwarahkpeseng,+ oh e pahn ketin kapokonepene irail mehn Suda kan me mwarahkpeseng sang ni keimw pahieu en sampah.+
-
-
Seremaia 30:10, 11Paipel—Kawehwehn Sampah Kapw
-
-
10 Siohwa ketin mahsanih, “Oh kowe nei ladu Seikop, ke dehr masak,
Oh Israel, ke dehpa masepwehkada.+
Pwe I pahn doareiukala sang wasa doh
Oh kadaudokomw sang sahpw me re sensel ie.+
Seikop pahn pwurodo oh meleileidi oh sohte me pahn kedirapwa,
Sohte me pahn kamasak irail.”+
11 Siohwa ketin mahsanih, “Pwe I pahn ieiang uhk, pwehn doareiukala.
-
-
Esekiel 34:13, 14Paipel—Kawehwehn Sampah Kapw
-
-
13 I pahn wairailsang rehn aramas akan oh kihirailpene sang sahpw kan oh wairaildo nan sapwarailo oh kamwenge irail pohn nahna kan en Israel,+ limwahn piletik kan oh limwahn wasahn kousoan kan koaros nan sahpwo. 14 I pahn kamwenge irail nan mohs kaselel ehu, oh sahpw me re mwengemwenge ie pahn mi pohn nahna ile kan en Israel.+ Re pahn wendi wasao pohn sahpw en kamweng kaselel ehu,+ oh re pahn mwenge nan mohs me keieu kaselel kan pohn nahna kan en Israel.”
-
-
Eimwos 9:14, 15Paipel—Kawehwehn Sampah Kapw
-
-
14 I pahn kapwurepene nei aramas en Israel me selidi kan,+
Oh re pahn onehda sapahl kahnimw tehnla kan oh kousoanla loale;+
Re pahn padokedi mwetin kreip kan oh nim ar wain kan,+
Oh wiahda mwetuwel kan oh kang wahrail kan.’+
15 ‘I pahn padokiraildi nan sapwarailo,
Oh re sohte pahn pwurehng usuhsda
Sang nan sapwarailo me I kihong irail,’+ Siohwa omw Koht me ketin mahmahsen.”
-