Watchtower ONLINE LIBRARY

Melkahka 119:103

Paipel—Kawehwehn Sampah Kapw
- 103 Ia uwen mem en sapwellimomwi mahsen kan ni loweiet,
  E mem sang sukehn loangalap!+

Seremaia 15:16

Paipel—Kawehwehn Sampah Kapw
- 16 Sapwellimomwi mahsen kan dierekdahr, oh I tungoalehla mepwukat;+
  Oh sapwellimomwi mahsen wiahla peren oh nsenamwahu nan ei mohngiong,
  Pwe I kin weuwa mwaromwi, Maing Siohwa, Koht kaunen karis en sounpei.

Kaudiahl 10:9, 10

Paipel—Kawehwehn Sampah Kapw
- 9 I ahpw kohla rehn tohnlengo oh ndaiong en kihong ie kisin doaropweo. E ahpw ndaiong ie: “Ale oh kangala,+ oh e pahn kahrehiong nan kapehdomwen en katikala, ahpw e pahn mem nan ewomwen duwehte sukehn loangalap.” 10 Ngehi eri kihsang kisin doaropweo nan pehn tohnlengo oh kangala,+ oh e mem nan eweiet duwehte sukehn loangalap,+ ahpw mwurin ei kangala, nan kapehdiet katingkihda.