47 Nanmwarkio eri ndaiong Daniel: “Mehlel me omwi Kohto iei Koht en koht akan oh Kaunen nanmwarki kan oh Ih me kin ketin kasalehda soahng rir kan, pwehki omwi kak kasalehda soahng rir wet.”+ 48 Nanmwarkio eri kasapwilada Daniel oh kihong ih kisakis mwahu tohto, oh e wiahiong ih en kaunda wehin Papilon pwon+ oh en wia kaun lapalap en koperment* pohn ohl loalokong koaros nan Papilon.