4 Sounpakairo ahpw pakairki ni ngihl laud: “Kumwail aramas akan, tohnwehi kan oh me kin lokaiahki soangsoangen lokaia kan, kehkehlik kohwong kumwail, 5 me ni amwail rong ngilen mehn pepeuko,* paip en pepeuko, sidero,* arpo, keseng sahlo, paip en pepeuk laudo oh mehn keseng teikan koaros, kumwail pahn poaridi oh kaudokiong sansal kohlo me Nanmwarki Nepukadnesar ketin kauwadahr. 6 Mehmen me sohte poaridi oh kaudokiong sansalo pahn mwadangete lekdeklahng nan wasahn kisiniei mwehlo.”+