11 Pwehki kumwail kin idingkihong me semwehmwe en kihda pweinen mwaht*

Oh kumwail ale eh krein nin duwen kisakis,+

Kumwail sohte pahn koukousoante nan ihmw takai perperda kan me kumwail kauwada+

De pil nim wain sang mwetin kreip me keieu mwahu kan me kumwail padokedi.+

 4 Rong met, kumwail me kin tiakedi me semwehmwe

Oh me kin kauwehla me opampap en sahpwo,+

 5 Me kin nda, ‘Iahd me kasarawien maram pwul pahn imwisekla,+ pwe kitail en kak netikihla atail krein,

Oh pil Sapad,+ pwe kitail en kak kihda krein mehn netila?

Pwe kitail en kak wiahiong sosohng en ihpah* en tikitikla

Oh paunen sekel* en laudla,

Pwehn likamwkihda neitail mehn tenek sapwung kan;+

 6 Pwe kitail en kak pwainkihda me lokolok silper

Oh me semwehmwe suht ehu,+

Oh netikihla wasa soh katepe en krein kan.’