-
Deuderonomi 28:49-51Paipel—Kawehwehn Sampah Kapw
-
-
49 “Siohwa pahn ketin kadarodo wehi ehu me doh pwehn mahweniong uhk,+ sang ni imwin sampah; e pahn tahr duwehte ikel men,+ e pahn wia wehi ehu me ke sohte pahn wehwehki eh lokaia,+ 50 wehi lemei ehu me sohte pahn wauneki me mah de poakehla me pwulopwul.+ 51 Re pahn kangala wahn noumw pelinmen oh wahn sapwomw lao ke kamwomwmwomwla. Re sohte pahn kihdiong uhk krein, wain kapw de leh kapw, koupwul de sihmpwul lao re kamwomwuhkala.+
-
-
Seremaia 5:15-17Paipel—Kawehwehn Sampah Kapw
-
-
15 Siohwa ketin mahsanih: “Mehn Israel kan, I pahn wadohng kumwail wehi ehu sang wasa doh.+
Wehi ehu me wereilahr.
16 Neirail kopwoun arep rasehng sousou ehu me sansara;
Irail koaros sounpei kei.
17 Irail pahn kadallehla dahme ke dolungada oh konomw pilawa.+
Irail pahn kadallehla noumw pwutak kan oh serepein kan.
Irail pahn kadallehla noumw pelin sihpw kan oh pelin kou kan.
Irail pahn kadallehla omw tuhkehn kreip kan oh tuhke pik kan.
Irail pahn kauwehkihla omw kahnimw kehl kehlail kan me ke kin likih, kedlahs.”
-
-
Seremaia 6:22, 23Paipel—Kawehwehn Sampah Kapw
-
-
22 Iet me Siohwa ketin mahsanih:
“Kilang! Pwihnen aramas ehu kohkohdo sang sahpw en paliepeng,
Oh wehi laud ehu pahn pwarada sang wasa me keieu doh kan nin sampah.+
23 Re pahn kol kesik ketieu oh ketieu.
Re me lemei oh re sohte pahn mahk.
Ngilarail kan pahn ngirisek duwehte sehd,
Oh re dake oahs kan.+
Re koasoansoandi ni ireken mahwen duwehte sounpei men me mahweniong uhk, Saion.”*
-
-
Esekiel 23:22, 23Paipel—Kawehwehn Sampah Kapw
-
-
22 “Kahrehda, Oh-olipah, iet me Kaun Wasa Lapalahpie Siohwa ketin mahsanih: ‘I pahn kamwakidada omw mwohnlimpoak kan+ me ke sohpeisang ni omw sautkinirailla, oh I pahn wairaildo ren uhwong uhk sang wasa koaros,+ 23 mehn Papilon kan+ oh mehn Kaldia kan koaros,+ ohl en Pekod kan+ oh Soa oh Koa, iangahki mehn Asiria kan koaros. Irail koaros mwahnakapw kaselel kei, kepina kei oh keriaun kaun kei, sounpei kei oh me pilipilda kei,* koaros mwohd pohn oahs kan.
-