13 Ih met me ira kin wiewia me pid pwaisen samworo kan sang aramas ako:+ Ahnsou koaros me aramas emen kin wiahda eh meirong, nein samworo sounpapah men kin wa kohdo pwohk me kasang siluh ni ahnsou me uduko kin pwoapwoail, 14 oh e kin doakoahlong nan peisino, de einpwoat me mehn kolokol riau, de einpwoat lapala, de einpwoat me mehn kolokol ehute. Sohte lipilipil dahme pwohko pahn doakoahsang, samworou pahn ale kene. Ih me re kin wiewia nan Sailo ong aramas koaros me kin kohla wasao.