15 Mwuhr e ahpw sakasak* nan imwen Lipai, oh sounrik daksis oh me dipan tohto iang Sises oh sapwellime tohnpadahk ko mwengemwenge,* pwe me tohto rehrail kin idawehn ih.+ 16 Ahpw ni sounkawehwehn Kosonnedo kan me kisehn Parisi* ar kilangada me e sakasak rehn me dipan akan oh sounrik daksis kan, re tepida ndaiong sapwellime tohnpadahk ko: “E kin iang sounrik daksis kan oh me dipan akan mwenge?” 17 Ni Sises eh karongehda met, e ahpw mahsanihong irail: “Aramas kehlail kan sohte anahne toahkte, pwe me soumwahu kan me anahne. Kaidehn me pwung kan me I kodohng luke, pwe me dipan akan.”+

29 Lipai eri wiahda lapalahn kamadipw ehu ong ih ni imweo oh lapalahn pokon en sounrik daksis ehu oh pil meteikan iang irail mwengemwenge.*+ 30 Parisi ko oh neirail sounkawehwehn Kosonnedo ko ahpw tepida lipahned ong sapwellime tohnpadahk ko, nda: “Dahme kumwail kin iangki sounrik daksis oh me dipan akan mwengemwenge oh niminim?”+ 31 Sises ketin sapeng irail mahsanih: “Aramas roson kan sohte anahne toahkte, pwe me soumwahu kan me anahne.+ 32 Kaidehn me pwung kan me I kodohng luke, ahpw me dipan akan pwe ren koluhla.”+