3 “Kumwail rong. Kilang! Sounkamwarak men kohieilahng kamwarak.+ 4 Ni eh kamwakamwarak, ekei werentuhke ko pwupwudiong ni keilen ahlo oh menpihr kei kohdo oh kangala. 5 Ekei pwupwudiong wasa takain, wasa me pwehlo pedeped oh re mwadangete wosada pwehki pwehlo sohte loal.+ 6 Ahpw ni ketipin eh dakada, re karakarala, oh pwehki kalewarail ko sohte loal, re mengila. 7 Ekei werentuhke ko pwupwudiong nanpwungen dihpw tekatek ko oh dihpw tekatek ko keirda oh kasokirailla, re ahpw sohte wa.+ 8 Ahpw ekei pwupwudiong nan pwelmwahu oh keirda oh laudla, re ahpw tepida wa. Re wa pak 30, pak 60 oh pak 100 laudsang mahs.”+ 9 Ih eri doula mahsanih: “Mehmen me mie salenge mehn rong, a en rong.”+

4 Eri ni ahnsou me lapalahn pokon ehu pokonpene iangahki irail ko me iangada ih sang ehuehu kahnimw, e ahpw ketin doadoahngki apwoat karasaras oh mahsanih:+ 5 “Sounkamwarak emen kohieilahng kamwarak werentuhke. Ni eh kamwakamwarak, ekei pwupwudiong ni keilen ahlo oh tiatipeseng oh menpihr en pahnlahng kan kangala.+ 6 Ekei pwupwudiong pohn paip oh mwurin ar wosada, re mengila pwehki sohte pihl me kin kalamwure irail.+ 7 Ekei pwupwudiong nanpwungen dihpw tekatek kan, oh dihpw tekatek ko me iang irail keirda kasokirailla.+ 8 Ahpw ekei pwupwudiong nan pwelmwahu oh mwurin ar wosada, re wa pak 100 laudsang mahs.”+ Mwurin eh mahsanih mepwukat, e ketin ngihl laudida, mahsanih: “Mehmen me mie salenge mehn rong, a en rong.”+