10 Sises ahpw mahsanih: “Kumwail kamwohdangedi aramas akan.” Pwehki wasao me rehn mehlel, irail eri mwohndi. Mpen ohl 5,000 me iang pokon wet.+ 11 Sises eri ketikihda pilawa ko oh mwurin eh ketin kalahngankihong Koht, e ketin nehkohng irail ko me mwomwohd wasao; e pil ketin wia duwehte ong kisin mwahmw ko oh irail mwenge lao irail medla. 12 Ahpw ni ar medlahr, e mahsanihong sapwellime tohnpadahk ko: “Kumwail rikpene luhwe kan pwe sohte mehkot en lekdekla.” 13 Irail eri rikpene oh audehkihda kopwou 12 luhwe ko sang ni lopwon en pilawa parli limau ko me irail tungoale.