33 “Rong pil apwoat karasaras: Mie ohl emen me mie sapwe, me padokedi mwetin kreip ehu+ oh kelepene oh weirada wasahn tiak kreip ehu loale oh kauwada imwen doulik ehu;+ ih eri kihong soumwet kei en koadoahke sahpwo, e ahpw seiloakla sahpw liki.+ 34 Ni eh lelehr ahnsoun dolung wah ko, e ahpw kadarala eh ladu ko rehn soumwet ko pwe ren ale pwaise sang ni wah ko. 35 Ahpw soumwet ko poarehng eh ladu ko oh kemehda emen, emen re kemehla, a emen re katehki takai.+ 36 E pil pwurehng kadarala ladu kei, me tohtohsang tepin pwihno, ahpw re pil wiahiong irail soahngohte.+ 37 A ni imwio, e kadarala nah pwutako rehrail oh nda, ‘Re pahn wauneki nei pwutak.’ 38 Ni ar kilangada pwutako, soumwet ko ahpw ndapene nanpwungarail, ‘Ih serien sohso met.+ Nna, kitail kemehla oh ale eh sohso!’ 39 Irail eri poarehng ih oh kesepwekeieisang nan mwetin kreipo oh kemehla.+ 40 Eri, dahme ohl me ahneki mwetin kreipo pahn wiahiong soumwet ko ni eh pahn kohdo?” 41 Irail ahpw ndaiong: “Pwehki arail suwed, e pahn kemeirailla oh pahn mweidohng soumwet teikan ren uhd koadoahke mwahto pwe re pahn kin kihong ih wah kan ni ahnsawi.”

9 Ih eri tepida mahsanihong aramas ako karasaras pwoatet: “Ohl emen padokedi mwetin kreip ehu+ oh kihong soumwet kei en koadoahke sahpwo, e ahpw seiloakla sahpw liki erein ahnsou reirei ehu.+ 10 Eri, ni ahnsoun dolung kreip, e kadarala ladu men rehn soumwet ko pwe ren kihong ih ekei wahn mwetin kreipo. Soumwet ko ahpw kadarala ih kahiep mwurin ar keme ih.+ 11 Ahpw e pil pwurehng kadarala emen ladu. Re pil keme oh kasarowehdi* oh kadarala kahiep. 12 Ahpw e pwurehng kadarala kesilimeno; re pil kauwehla oh kesehiei. 13 Me ahneki mwetin kreipo ahpw nda, ‘Dahme I pahn wia? I pahn kadarala nei pwutak kompoake.+ Mwein re pahn wauneki memenet.’ 14 Ni soumwet ko ar kilangada ih, re ahpw koasoipene nanpwungarail, ndinda, ‘Ih serien sohso met. Kitail kemehla pwe kitail en ahnekihla sohsowo.’ 15 Irail eri kesepwekeieisang nan mwetin kreipo oh kemehla ih.+ Eri, dahme ohl me ahneki mwetin kreipo pahn wiahiong irail? 16 E pahn kohdo oh kemehla soumwet pwukat oh pahn kihong meteikan mwetin kreipo.”

Ni ar rongada met, re ahpw nda: “Met sohte mwahn pahn wiawi!”