23 Ni rahnohte Sadusi ko me kin nda me sohte kaiasada,+ patohdo oh patohwan idek reh:+ 24 “Maing Sounpadahk, Moses kin nda: ‘Ma ohl emen mehla ahpw sohte nah seri, rie pwutak uhdahn pahn pwoudikihda eh pwoudo oh wiahda kadaudok en rieo.’+ 25 Eri mie pirien ehu, irail ohl isimen. Me keieu laudo pwopwoudida oh mehla oh pwehki sohte kadaudoke, rie pwutako uhd pwoudikihda eh pwoudo. 26 Soahngohte pil wiawihong me keriemeno oh pil me kesilimeno, lao lel me keisimeno. 27 Mwuhr, liho ahpw mehla. 28 Eri, ni rahnen iasada, ihs rehn meh isimeno me pahn wia eh pwoud, pwehki irail koaros pwoudikihda liho?”

27 Ahpw ekei Sadusi ko* me kin nda me sohte kaiasada,+ patohdo oh patohwan idek reh:+ 28 “Maing Sounpadahk, Moses ntingihediong kitail, ‘Ma ohl emen mehsang eh pwoud lih, ahpw sohte nah seri, rie pwutak anahne pwoudikihda liho oh wiahda kadaudok en rieo.’+ 29 Eri mie pirien ehu, irail ohl isimen. Me keieu laudo pwoudikihda lih emen ahpw mehla sohte nah seri. 30 Eri me keriemeno 31 oh me kesilimeno pwoudikihda ih. Pil duwehte meh isimeno koaros; irail mehla sohte neirail seri. 32 Ni imwila, liho ahpw pil mehla. 33 Eri, ni rahnen iasada, ihs me pahn wiahla eh pwoud? Pwe meh isimeno koaros pwoudikihda liho.”