15 “Eri, ni amwail pahn kilangada me sauto me kin kahrehda ohla, eh uh nan wasa sarawi ehu nin duwen me soukohp Daniel kohpadahr+ (mehmen me wadek en doadoahngki loalokong), 16 eri irail kan me mi nan Sudia, ren tepida tangalahng ni nahna kan.+ 17 A aramas me mi pohn ihmw en dehpa kohdi pwe en ale kepwehn nan imweo, 18 oh me mihmi nan mwahto en dehpa pwurala ale eh likou puhp. 19 Meid apwal ong lih liseian kan oh irail kan me kin kadihdi seri pwelel ni rahn ako! 20 Kumwail poadidiong kapakap pwe amwail mwesel en dehr wiawi ni ahnsoun kopou, de pil ni rahnen Sapad;

20 “Ahpw ni amwail pahn kilang karis en sounpei kan kapilpene Serusalem,+ eri kumwail en ese me eh ohla pahn kerendohr.+ 21 Eri irail kan me mi nan Sudia, ren tepida tangalahng ni nahna kan+ oh irail kan me mi nan Serusalem en kohkohlahsang oh irail kan me mi nansapw en dehr pedolong, 22 pwehki rahn pwukat iei rahn me kopwung pahn wiawi,* pwe mehkoaros me ntingdier en pweida. 23 Meid apwal ong lih liseian kan oh irail kan me kin kadihdi seri pwelel ni rahn ako!+ Pwe e pahn mie kahpwal laud nan sahpwo oh kalokolok ong aramas pwukat.