20 Pailet eri pwurehng koasoiong irail pwehki e men lapwahda Sises.+ 21 Irail ahpw tepida weriwer, ndinda: “Kidahng ih nin tuhke! Kidahng ih nin tuhke!”*+ 22 E ahpw ndaiong irail kesilipak: “Pwekida? Soahng suwed dah me ohl menet wiahda? Sohte mehkot I diar reh me e warohng mehkihla. Ihme kahrehda I pahn kaloke ih oh lapwahda.” 23 A irail ahpwte kalaudehla ngilarail ngihtehtehki en kamakamala* oh ngilarail ko ahpw kipehdi wasa.+ 24 Pailet eri koasoanehdi arail pekipeko en pweida. 25 Ih eri lapwahda ohl me re peki en lapwadahng irailo, me lekdekiong nan imweteng pwehki eh uhwong koperment oh pil kamaramas, e ahpw kihong irail Sises pwe ren wiahiong dahme re men wia.