46 Ni eh mahmahseniong pokono, ineo oh rie pwutak ko+ wie kesikesihnen likio oh songosong ren koasoiong ih.+ 47 Eri, aramas emen ahpw patohwanohng ih: “Kilang! Inomwi oh riomwi ko patopato likio oh songosong ren koasoiong komwi.” 48 E ahpw ketin sapeng me lokaiahiongo, mahsanih: “Ihs me inei, oh ihs me riei kan?” 49 E ketin kapahla lime oh idilahng sapwellime tohnpadahk ko, mahsanih: “Kilang! Inei oh riei kan!+ 50 Pwe mehmen me kin wia kupwuren Semei me ketiket nanleng, iei ih me riei pwutak, riei serepein oh inei.”+

19 Ine oh rie pwutak ko+ patohdo reh, ahpw re sohte kak keiong mpe pwehki pokono.+ 20 Aramas men ahpw kairehki, patohwan: “Inomwi oh riomwi ko patopato likio oh men tuhwong komwi.” 21 E ahpw ketin sapeng irail mahsanih: “Inei oh riei kan iei irail me kin rong mahsen en Koht oh kapwaiada.”+