13 Pwe koaros mahsen en Soukohp ako oh Kosonnedo kin kohpada dahme pahn wiawi lel ni mwehin Sohn;+ 14 eri, mehnda ma kumwail men kamehlele de soh, ih me ‘Elaisa me pahn kohdo.’+

10 Tohnpadahk ko ahpw patohwan idek reh: “Dahme sounkawehwehn Kosonnedo kan kin ndahki me Elaisa anahne tiengdo mahs?”+ 11 E ketin sapeng mahsanih: “Elaisa me uhdahn pahn kohdo oh pahn pwurehng kamwahwihala mehkoaros.+ 12 Ahpw I ndaiong kumwail me Elaisa pwarodohr oh re sehse me ih mwo, re ahpw kin wiahiong ih mehkoaros me re mwahuki.+ Ih pil pahn duwen Nein-aramas eh pahn ketin ale lokolok sang rehrail.”+