7 Ni ara kohkohla, Sises ahpw tepida mahsanihong pokono duwen Sohn: “Dahme kumwail kilang ni amwail kohla nan sapwtehn?+ Ahlek pwoat me kin tutuwelengkiseli kisinieng?+ 8 Eri, dahme kumwail kohieilahng kilang? Ohl emen me kin likawih likou kansenamwahu?* Irail me kin likawih likou kansenamwahu kin mi nan imwen nanmwarki kan. 9 Eri ni mehlel, dahme kahrehda kumwail kohieila? Pwe kumwail en kilang soukohp men? Ei, I ndaiong kumwail, e lapalapasang mehlel soukohp emen.+ 10 Iei ih memenet me ntingdier duwe: ‘Kilang! I pahn kadarewei nei meninkeder men me pahn tiengla mwohmw* oh e pahn kaunopada alomw!’+ 11 I ndaiong kumwail ni mehlel, sohte emen me ipwidi sang rehn lih akan me lapalapasang Sohn Sounpapidais, ahpw me keieu tikitik nan Wehin nanleng lapalapasang ih.+