18 Ni eh mahmahsanihong irail mepwukat, a kilang! soumas men pa leledo reh. E ahpw poaridi mwowe oh patohwanohng: “Mwein met, nei serepeino melahr, ahpw komw ketido oh ketikihdi limomwien powe, a e pahn mourda.”+

19 Sises eri ketida oh ketin idawehnla iangahki sapwellime tohnpadahk ko.

22 Emen soumas en sinakokeo me adaneki Sairus ahpw kohdo oh ni eh kilangada ih, e ahpw poaridiong ni aluweluwe kan.+ 23 E ngidingidkihong pak tohto, patohwan: “Ei tungoal kisin serepein kis inenen soumwahu laud.* Komw kupwurkalahngan ketido mahs oh pwil limomwi kan powe+ pwe en kak mwahula oh mour.” 24 Sises eri ketin iangala, a lapalahn pokon ehu ahpw idawehnla ih oh koaitonla.