5 Eri, Koht me kin ketin sewese kitail en dadaur oh kin ketikihong kitail kakehlepen loalatail, en ketikihong kumwail koaros soangen elen madamadauohte me Krais Sises sapwellimanki, 6 pwe kumwail en ehupene+ kalinganahda Koht, Semen atail Kaun Sises Krais ni ngihl* tehieu.

11 Eri, riei ko, kumwail pousehlahte pereperen oh kapwungala amwail madamadau, ale kangoang sang meteikan,+ ahneki madamadauteieu,+ momour ni popohl;+ oh Koht en limpoak oh popohl+ pahn kin ketin ieiang kumwail.

4 Eri, ngehi, me wie sensel+ pwehki Kauno, peki rehmwail en weweidki dahme warohng+ malipilip me kumwail aleier,

3 oh kumwail en ahneki popohl nanpwungamwail oh nantihong kolokol ehupene me kumwail alehsang ngehn sarawi.*+

2 Ma kumwail wia met, kumwail uhdahn pahn kapereniehda. Kumwail ahneki madamadauteieu, limpoakteieu, oh miniminpene ni unsek oh ehukihpene lamalamteieu.+