4 Pwe mehkoaros me ntingdier mwowe, ntingdier pwehn padahkih kitail+ pwe kitail en ahneki koapworopwor+ sang ni atail kin dadaur+ oh pil kakehlepen loalatail me kohsang Nting Sarawi kan.

16 Patehng met, atail Kaun Sises Krais, oh Samatail Koht me ketin poakohng kitail+ oh ketikihong kitail nsenamwahu poatopoat oh koapworopwor mwahu+ sang ni sapwellime kadek sapan, 17 en ketin kansenamwahwihala mohngiongimwail oh katengeikumwaildi* pwe kumwail en koasoia oh wia dahme mwahu ahnsou koaros.