20 Sapwellimen Koht ngehn sarawi* eri tiada pohn Sekaraia nein samworo Sehoiada,+ oh e kesihnenda pohn wasa ile ieu oh ndaiong aramas ako: “Iet me Koht mehlelo ketin mahsanih, ‘Dahme kahrehda kumwail kauwehkihla sapwellimen Siohwa kehkehlik kan? Kumwail sohte pahn pweida! Pwehki amwail kesehla Siohwa, eri, e pil pahn ketin keseikumwailla.’”+ 21 Ahpw re koasoanehdi ren uhwongada+ oh sang ni ruwes en nanmwarkio re katehki takai lao e mehla nan wasa kelpene en tehnpesen Siohwa.+