12 Ahpw e ketikihong koaros me kin kasamwo ih pwuhng en wiahla sapwellimen Koht seri,+ pwehki arail kin kasalehda arail pwoson mware.+ 13 Oh irail ipwidi, kaidehn sang ni nta, de sang ni ineng en pahpa nohno de ineng en aramas, ahpw sang kupwuren Koht.+

28 Kitail ese me Koht kin ketin koasoanehdi sapwellime wiewia kan koaros en kin doadoahkpene ong kamwahupen irail kan me kin poakohng Koht, irail kan me pilipildahr nin duwen kupwure;+

13 Ahpw kumwail pil kin koapworopworki Krais mwurin amwail rongada mahsen mehlelo, rongamwahu duwen komourpamwail. Oh pil pwehki ih, mwurin amwail kamehlelehier, kumwail kilelkihdi+ ngehn sarawi* me Koht ketin inoukihda, 14 me iei mehn kadehde en dahme pahn kohdo* me pid atail sohso.+ Koht ketin wia met pwe en ketin kasaledekihala sapwellime aramas akan+ sang ni pweinen pweipwei sapahl ehu,+ pwe ren kapinga sapwellime lingan.

13 Riat ako me Siohwa* kin ketin poakohng, ahnsou koaros se kin anahne kalahngankihong Koht duwen kumwail, pwehki sang nin tapio Koht ketin pilkumwailda+ en komourla sang ni eh ketin kasarawihkinkumwailla+ sapwellime ngehn sarawi* oh sang ni amwail kin pwoson me mehlelo.

23 Pwe kumwail ipwsapahl,+ kaidehn sang ni mehkot me kak mwerpeseng, ahpw sang ni war* me sohte kak mwerpeseng,+ sang ni mahsen en Koht me ketin ieias oh poatopoat.+