6 Oh e pahn ketin dupukohng emenemen nin duwen eh wiewia kan:+ 7 mour soutuk ong irail kan me raparapahki lingan oh wahu oh paliwar me sohte kak mwerpeseng+ sang ni ar dadaurete wiewia me mwahu;

7 I peikiher pei wahu,+ I kanekelahr weirentango,+ I kin kolokolete pwoson. 8 Sang met kohla, nihn en pwung+ pahn wie nekinek ong ie, me Kauno, sounkopwung pwung+ pahn ketikihong ie nin duwen keting ehu ni rahno,+ ahpw kaidehn ong iehte, ahpw pil ong irail koaros me uhdahn men en ketin sansalda.

12 Meid peren aramas me kin dadaurete pahn apwal,+ pwehki ni Koht eh pahn ketin kupwurperenkihda ih, e pahn ale nihn en mour,+ me Siohwa* ketin inoukihong irail kan me kin pousehlahte poakohng Ih.+

4 Oh I kilangada mwoahl kei, oh manaman en kadeik ahpw kohieng irail kan me mwomwohd powe. Ei, I kilangada ntahn* irail kan me kamakamala* pwehki arail kin kadehdehda duwen Sises oh kin kalohki duwen Koht, oh pil irail kan me sohte kin kaudokiong mahn lawalou de eh sansal oh sohte alehdi kilel ni temwarail oh ni pehrail.+ Oh re mourda oh iang Krais kakaun nin duwen nanmwarki kei+ erein sounpar 1,000.