Melkahka kan
Ong sounpihtih keseng; me pid duwen Kidid.* En Asap melkahka.+
81 Kumwail weriwerki peren ong Koht me atail kehl.+
Kumwail weriwerki ngilen kana ong Koht en Seikop.
2 Kumwail tiakada koulo oh kesengki dampwurin,
Oh arp ngilamwahwo iangahki keseng sahl.
3 Kumwail peuk mehn pepeuk* ni ahnsoun maram pwul,+
Oh ni ahnsoun maram mat, ni rahnen atail kasarawi.+
4 Pwe met koasoandi ehu ong Israel,
Kehkehlik ehu sang Koht en Seikop.+
5 E ketin koasoanehdi met nin duwen mehn kataman ehu ong Sosep+
Ni ahnsou me e ketieilahn uhwong sapwen Isip.+
I rongada ngihl* ehu me I sohte dehdehki:
6 “I pwekasang wisik toutowo pohn pwopweo;+
I kasaledekihala peh kan sang ni kopwowo.
I kasongeiuk ni pihl en Meripa.*+ (Selah)
8 Rong ie, nei aramas, oh I pahn kadehdehda mehkot me pid kowe.
Israel, ma ke rongiehte.+
9 E sohte pahn mie emen koht tohrohr rehmw,
Oh ke sohte pahn poaridiong koht en liki men.+
10 Ngehi me Siohwa, omw Koht,
Me waiukasang nan sapwen Isip.+
Sarapeseng, oh I pahn audehda ewomwen.+
11 Ahpw nei aramas akan sohte kin rong ngilei;
Israel sohte kin uhpah ie.+
14 I pahn mwadang kalowehdi ar imwintihti kan;
I pahn peiong ar imwintihti kan.+
15 Irail kan me kin kailongki Siohwa pahn rerrer mwohn silangi,
Oh arail kalokolok* pahn kohkohlahte.