Melkahka kan

115 Kaidehn ong kiht, Maing Siohwa, kaidehn ong kiht,*

Ahpw lingan en kohwong mwaromwi+

Pwehki sapwellimomwi limpoak loalopwoat oh sapwellimomwi lelepek.+

 3 Atail Koht kin ketiket nanleng;

E kin ketin wia dahme e ketin kupwurki.

 4 Arail dikedik wiawihkihda silper oh kohl,

Pehn aramas me wiahda.+

 5 Mie awarail, ahpw re sohte kak lokaia;+

Mie masarail, ahpw re sohte kak kilang wasa;

 6 Mie salengarail, ahpw re sohte kak rong wasa;

Mie tumwarail, ahpw re sohte kak ned;

 7 Mie pehrail, ahpw re sohte kak koledi mehkot;

Mie nehrail, ahpw re sohte kak alu;+

Sohte ngihl ehu kak kohda sang nan kepinwararail.+

 8 Aramas akan me kin wiahda mepwukat pahn duwehla mepwukat,+

Oh pil irail koaros me kin likih mepwukat.+

 9 Israel, kumwail likih Siohwa+

—Ih me sawasparail oh arail mehn sansar.+

10 Kadaudok en Aaron kan,+ kumwail likih Siohwa

—Ih me sawasparail oh arail mehn sansar.

11 Kumwail me kin lemmwiki Siohwa, kumwail likih Siohwa+

—Ih me sawasparail oh arail mehn sansar.+

12 Siohwa kin ketin tamataman kitail oh e pahn ketin kapaia kitail;

E pahn ketin kapaia kadaudok en Israel+

E pahn ketin kapaia kadaudok en Aaron.

13 E pahn ketin kapaia irail akan me kin lemmwiki Siohwa,

Me tikitik oh pil me lapalap.

14 Siohwa pahn ketin katohtohweikumwailla,

Kumwail oh noumwail seri kan.*+

15 Siohwa en ketin kapaiakumwailda,+

Sounwiepen nanleng oh sampah.+

16 Siohwa me ketin sapwellimanki nanleng,+

A sampah, e ketikihong aramas akan.+

17 Me melahr akan sohte kin kapinga Iah;+

Oh irail akan me kin kohdihla nan sousou* pil sohte kak wia met.+

18 Ahpw kitail pahn kapinga Iah

Sang met oh pil kohkohlahte.