Melkahka kan
Ong sounpihtih keseng; en Sedudun.*+ En Depit melkahka.
I pahn pirehdi eweiet+
Nindoken me suwed men eh kin mihmi mwohi.”
2 I nennenlahte oh sohte lokaia;+
I sohte nda mehkot mendahte ma mehkot mwahu,
Ahpw ei medek inenen laud.*
3 Mohngiongiet karakaradahr.
Ni ei kin medemedewe,* I kin lullul rasehng kisiniei ehu.
Ngehi eri patohwan:
4 “Maing Siohwa, komw ketin sewese ie I en ese ia pahn mwomwen imwilahn ei mour,
Oh uwen tohtohn ei rahn akan,+
Pwe I en ese ia uwen mwotomwot en ei mour.
5 Mehlel, komw ketin wiahiongehr ei rahn akan en malaulaula;*+
Oh ahnsou me I momourki likamwete sohte mehkot mwohn silangomwi.+
Mehlel me aramas koaros, mehnda ma re mwomwen kehlail, re sohte mehkot ahpw ihte angin esingek ehu.+ (Selah)
6 Mehlel me aramas koaros kin kohkohseli rasehng mwete ehu.
Re kin pwururseli* ni soh kahrepe.
Re kin kihpene ar kepwe ni ar sehse ihs me pahn ahnekihla.+
7 Eri Maing Siohwa, dahme I kak koapworopworki?
Komwihte me ei koapworopwor.
8 Komw ketin doareiehsang nan ei kauwehla kosonned kan koaros.+
Komw dehr ketin mweidohng me pweipwei men en mwamwahlikin ie.
10 Komw ketikihsang ie sapwellimomwi kalokolok.
Pwe solahr angi pwehki omw kin ketin kaloke ie.
11 Komw kin ketin kapwungkihla aramas kalokepen eh sapwung;+
Komw kin ketin kamwomwala soahng kan me e kin kesempwalki duwehte me kariskahn* kin wia.
Mehlel me aramas koaros wiahte angin esingek ehu.+ (Selah)
12 Maing Siohwa, komw ketin karonge ei kapakap,
Komw ketin karonge ei likwer en peksawas.+
Komw dehr ketin pohnsehsehla pilen mesei kan.
Pwe I wiahte mehn liki men me kin koukousoan rehmwi,+
Sounseiloak men me kin kohkohseli,* duwehte semei mehn mahs ako koaros.+
13 Komw dehr ketin mahsanih ie nan omwi engieng pwe I en kak perenda
Mwohn ei pahn mehla oh sohrala.”