Melkahka kan
Ong sounpihtih keseng; ong ngilen keseng “Kiepw kan.” En kadaudok en Kora kan melkahka.+ Maskil.* Koulen limpoak pwoat.
45 Ei mohngiong kin mwekidki soahng mwahu.
I kin nda: “Ei koul kin* pid duwen nanmwarki men.”+
Loweiet en wia nein sounnting koahiek men+ nah mehn nting.*+
2 Komwi me keieu masamwahu nanpwungen ohl akan.
Omwi mahsen kan kin kansenamwahu.+
Ihme kahrehda Koht ketin kapaikomwihda kohkohlahte.+
4 Oh nan omwi lingan komw ketin wenewohng kana;*+
Komw ketin dake oahs tangewei pwehki mehlel oh aktikitik oh pwung,+
Oh palimaun en nin limomwi pahn wiahda* soahng kapwuriamwei kan.
5 Sapwellimomwi arep kan me keng, re kin kesehdi aramas akan mwohmwi;+
Re kin doakoahdi mohngiong en sapwellimen nanmwarkio imwintihti kan.+
7 Komw kin ketin poakohng me pwung+ oh kalahdeki me suwed.+
Ihme kahrehda Koht, omwi Koht, ketin keiehkinkomwihdi+ lehn peren+ laudsang iengomwi kan.
8 Sapwellimomwi likou kan koaros kin pwohmwahuki pwohn mir oh aloi* oh kasia;*
Ngilen keseng sahl akan me peipeido sang ni tehnpas lingan me kapwatki aipori kin kaperenkomwihda.
9 Sapwellimen nanmwarki serepein kan kin mi nanpwungen sapwellimomwi lih soupeidi kan.
Sapwellimomwi likend* me kapwatki kohl en Opir+ kin uh ni palimaunomwi.
10 Rong, nei serepein, kilang oh rong kanahieng;
Manokehla noumw aramas akan oh peneinei en omw pahpao.
12 Nein Dair serepein pahn wahdo kisakis ehu;
Me keieu kepwehpwe kan pahn men kenikenla rehmw.
14 E pahn pakahrlahng rehn nanmwarkio ni eh likawih likou kaselel kan.*
Ienge serepein meipwon kan me kin idawehn pahn pakahrdohng mwohmwi.
15 Re pahn pakahrdo ni peren laud;
Re pahn pedolong ni tehnpesen nanmwarkio.
16 Sapwellimomwi pwutak kan pahn wiliandi semomwi mehn mahs ako.
Komw pahn ketin idihirailda nin duwen lapalap kei nan sampah pwon.+
17 I pahn padahkihong dih kan koaros me pahn kohdo duwen mwaromwi.+
Ihme kahrehda aramas akan pahn kapinga komwi kohkohlahte.