Melkahka kan
147 Kapinga Iah!*
E mwahu en kin koulki koulen kaping kan* ong atail Koht;
Ia uwen kansenamwahu oh konehng en kapinga ih!+
3 E kin ketin kamwahwihala me nan kapehd tikitiklahr kan;
E kin ketin kidimpene ar ohla kan.
6 Siohwa kin ketin kawauwihala me opampap,+
Ahpw e kin ketin kesehdi me suwed nanpwel.
7 Kumwail koulkihong Siohwa kapingkalahngan;
Kumwail koulki koulen kaping kan ong atail Koht oh kesekesengki arp,
8 Ih me kin ketin pwainkihdi nanleng depwek kan,
Me kin ketin kamwerehdi keteu pohn sampah,+
Me kin ketin kawosehda dihpw+ pohn nahna kan.
9 E kin ketikihong mahn akan arail kisin tungoal,+
10 E sohte kin ketin kupwurperenki kehlail en oahs;+
De pil e sohte kin ketin pwuriamweiki kehlail en nehn aramas.+
11 Siohwa kin ketin kupwurperenki irail akan me kin lemmwiki ih,+
Irail me kin awiawih sapwellime limpoak loalopwoat.+
12 Serusalem, kalinganahda Siohwa.
Saion, kapinga omw Koht.
13 E kin ketin kakehlakahda tuhkehn katenge ewen kelen omw kahnimw;
E kin ketin kapaia noumw seri kan.
15 E kin ketin kadarodohng sampah sapwellime kehkehlik;
Sapwellime mahsen kin mwadang leledo.
16 E kin ketin kadarodo sinoh duwehte wunen sihpw;+
E kin ketin kamwarak pwoaik en aihs duwehte pehs.+
17 E kin ketin kadaridi sapwellime keteu aihs takai duwehte mweremweren pilawa.+
Ihs me kakohng soangen kopou wet?+
18 E kin ketin kadarpeseng sapwellime mahsen, a aihs kin peipeseng.
E kin ketin wiahiong kisinieng en ipihpseli,+ a pihl kin pwilipwilwei.
19 E kin ketin lohkihong Seikop sapwellime mahsen,
Oh kin ketin lohkihong Israel sapwellime koasoandi kan oh kopwung kan.+
20 E sohte kin ketin wiahiong met wehi teikan;+
Re sohte ese duwen sapwellime kosonned kan.