Melkahka kan
148 Kapinga Iah!*
Kapinga Siohwa sang nanleng;+
Kapinga ih nan wasa ileile kan.
2 Kapinga ih, kumwail sapwellime tohnleng kan koaros.+
Kapinga ih, kumwail sapwellime karis en sounpei kan koaros.+
3 Ketipin oh maram, kumwa kapinga ih.
Kumwail usu lingaling kan koaros, kumwail kapinga ih.+
4 Lahng me keieu ile*
Oh pihl kan me mi pohn pwelengen lahng, kumwail kapinga ih.
5 Mepwukat en kapinga mwaren Siohwa,
Pwe e ketin ruwes, a re wiawihda.+
6 E ketin koasoanehdi mepwukat en mihmi kohkohlahte;+
E ketin wiahda koasoandi ehu me sohte pahn sohrala.+
7 Kumwail kapinga Siohwa sang nin sampah,
Kumwail menmour kalaimwun en nansed akan oh pihl loal kan koaros,
8 Kumwail lioal oh keteu aihs takai, sinoh oh depwek mosul kan,
Kowe kisinieng en melimel, me kin kapwaiada sapwellime mahsen,+
9 Kumwail nahna kan oh dohl akan koaros,+
Kumwail tuhke me kin wah kan oh sidar kan koaros,+
10 Kumwail mahn lawalo kan+ oh mahn mand kan koaros,
Kumwail mahn kerep kan oh menpihr kan,
11 Kumwail nanmwarkien sampah kan oh wehi kan koaros,
Kumwail lapalap akan oh sounkopwung en sampah kan koaros,+
12 Kumwail mwahnakapw kan oh peinakapw kan,*
Kumwail me mah kan oh me pwulopwul kan koaros.
13 Irail koaruhsie en kapinga mwaren Siohwa,
Pwe mwareo kelehpw me ileilehie, sohte me keke.+
Sapwellime roson lapalap ileilehsang sampah oh nanleng.+
14 E pahn ketin kalaudehla kehlail* en sapwellime aramas akan,
Ong kapingpen sapwellime aramas loalopwoat kan,
Mehn Israel kan, iei aramas akan me kin karanih ih.
Kapinga Iah!*