Melkahka kan
Ong sounpihtih keseng; iangahki keseng sahl kan. Maskil.* En Depit melkahka.
55 Maing Koht, komw ketin karonge ei kapakap,+
2 Komw ketin karonge ie ni keneinei oh ketin sapeng ie.+
Ei pwunod kin kahrehiong ei sohte kak kommoal,+
Oh I weikeklahr
3 Pwehki dahme imwintihtio kin ndinda
Oh kasongosong sang me suwedo.
Re kin kasokedahng pohi kahpwal,
Oh re kin lingeringer pahi oh re uhdahn kailongkin ie.+
5 Masak kipeiedier oh I wie rerrer,
Oh I sohte kak uhdihsang wie rerrer.
6 I kin ndinda: “Ma miehte ei pehnpihr duwehte mwuroi!
I pahn pihrla oh mihmi wasa me sohte keper.
7 Kilang! I pahn pihr kohkohla wasa doh.+
Oh I pahn mihla nan sapwtehn.+ (Selah)
8 I pahn mwadangalahng wasahn ruk ehu
Me dohsang kisinieng kehlail oh melimel.”
9 Maing Siohwa, komw ketin kapingirailda oh kasapwungehla ar koasoandi kan,*+
Pwe I kilangehr tiahk lemei oh mahwen nan kahnimwo.
11 Kahpwal kin mi wasa koaros nan kahnimwo;
Kalokolok oh likamw sohte kin sohrasang nan wasahn tuhpenehn kahnimwo.+
12 Pwe kaidehn imwintihti men me kin kapailoke ie;+
Pwe ma iei, I kak kanengamahiong.
Kaidehn imwintihti men me pelianiehda;
Pwe ma iei, I kak rukusang ih.
14 Kita kin ahneki nanpwungmwahu keren;
Kita kin iang pokono alialu kohlongala nan tehnpesen Koht.
15 Ei imwintihti kan en mwomwla!+
Ren momourte kohdihla nan Sousou;*
Pwe soahng suwed kan kin mi nan ar wasahn kousoan kan oh nan mohngiongirail.
16 A ngehi, I pahn patohwan likweriong Koht,
Oh Siohwa pahn ketin doareiehla.+
18 E pahn ketin doareiehsang* irail kan me kin peiong ie oh ketikihong ie popohl,
Pwe me ngeder me kin kohdo uhwong ie.+
Irail sohte pahn men wekila,
Irail akan me sohte kin lemmwiki Koht.+
21 Eh lokaia kan mwuterek sang pwete,+
Ahpw nan eh mohngiong e kin inengieng pei.
Eh lokaia kan kansenamwahu sang leh,
Ahpw re rasehng kedlahs keng kan.+
E sohte mwahn pahn ketin mweidohng me pwung men en pwupwudi.*+
23 Ahpw Maing Koht, komw pahn ketikihdihla aramas suwed kan nan pwoahr me keieu loal.+
Irail sounkam aramas* oh widing kan sohte pahn momour lel ni elep en ar mour.+
Ahpw ngehi, I pahn likih komwi.