Melkahka kan
En Depit melkahka, ni ahnsou me e mihmi nan sapwtehn en Suda.+
63 Maing Koht, komwi me ei Koht, I kin patohwan raparapahkin komwi.+
I kin anahne komwi duwehte aramas men me men nimpil eh kin anahne pihl.+
I* pahn lipwongmaskihla ei kin inengieng komwi
Nan sahpw ehu me uhdahn madekeng, wasa me sohte pihl.+
2 Eri I udiahl komwi nan wasa sarawio;
I udiahl sapwellimomwi kehl oh lingan.+
4 Eri I pahn patohwan kapinga komwi erein ei mour;
I pahn kapahda pehi kat ni ei likweriong mwaromwi.
5 I kin medkihla pwaisei me keieu mwahu oh kaselel kan,
Eri ni ngilen peren, I pahn kapinga komwi.+
6 I kin tamataman komwi ni ei wonohn pohn ei peht;
I kin doudouloale duwen komwi erein awahn silasil kan nipwong.+
8 I kin tengediong komwi;
Palimaun en nin limomwi kin koliehdi teng.+
9 Ahpw irail akan me kin songosong en kemeiehla*
Pahn kohdihla wasa loal kan en sampah.
10 Re pahn kamakamkihla kedlahs;
Re pahn wiahla kenen kidien wel kan mwenge.
11 Ahpw nanmwarkio pahn perenkihda Koht.
Aramas koaros me kin kahukihla inou ni mware pahn perenda,*
Pwe ewen me kin lokaia likamw kan pahn tokedi.