Melkahka kan
En Depit melkahka.
143 Maing Siohwa, komw ketin karonge ei kapakap;+
Komw ketin karonge ei peksawas.
Komw ketin sapeng ie nin duwen sapwellimomwi lelepek oh pwung.
2 Komw dehr ketin kadeik sapwellimomwi ladu menet,
Pwe sohte emen me momour kak pwung mwohn silangomwi.+
3 Pwe imwintihtio kin pwakih ie;
E kamwuteiepenehr* nanpwelo.
E kahrehiong I en mihmi nan rotorot rasehng me melahr akan kawao.
5 I kin tamataman rahn akan mahso;
I kin doudouloale mehkoaros me komw ketin wiadahr;+
I kin ngoangki medemedewe* wiepen nin limomwi kan.
6 I kin kapahdawohng komwi pehi kat;
I kin awiawih komwi duwehte sahpw madekeng ehu me awiawih keteu.+ (Selah)
Komw dehr ketin karirihasang ie silangomwi,+
Pwe ma soh I pahn duwehla irail kan me kin kohdihla nan pwoahr.*+
8 Komw ketin mweidohng ie I en rong sapwellimomwi limpoak loalopwoat nimenseng,
Pwe I kin likih komwi.
Komw ketin kasalehiong ie ahl me I pahn keid ie,+
Pwe I kin sohpeiong komwi.
9 Maing Siohwa, komw ketin doareiehsang ei imwintihti kan.
I kin rapahki perehpei rehmwi.+
10 Komw ketin padahkihong ie duwen ei pahn kapwaiada kupwuromwien,+
Pwe komwi me ei Koht.
11 Maing Siohwa, pwehki mwaromwi, komw ketin mweidohng ie I en momour.
Pwehki omwi pwung, komw ketin kapitiesang kahpwal.+