Melkahka kan
KESILUHWEN PWUHK
(Melkahka kan 73-89)
En Asap melkahka.+
73 Koht me uhdahn kupwur mwahu ong Israel, irail akan me mohngiong mwakelekel.+
2 A ngehi, I kereniong wetsang ahl pwungo;
I kereniong kirisdi.+
6 Kahrehda re kin kapwatki aklapalap duwehte mwaramwar ni tepinwararail;+
Tiahk lemei me wia ar likou.
7 Mworourou en masarail kan* kin kahrehiong pwoaren masarail kan en tikitikla;
Re kin pweida laudsang dahme re kin medewe.
8 Re kin kepit oh koasoia soahng suwed kan.+
Ni aklapalap re kin kamasak aramas akan oh nda me re pahn kaloke irail.+
9 Re kin koasoi, likamwete re ileile duwehte nanleng,
Oh re kin aluseli nin sampah koasoakoasoia dahme re men nda.
10 Eri, sapwellime aramas akan kin sohpeiong irail,
Oh re kin nimpil sang nan ar pihl tohto kan.
11 Re kin nda, “Ia duwe, Koht ketin mwahngih?+
Wasa Lapalap uhdahn ketin mwahngih mehkoaros?”
12 Ei, ih irail pwukat me suwed, me sohte kin pwunod.+
Re kin katohtohwehla ar kepwe kan.+
13 Ni mehlel, sohte katepen ei mohngiong en mwakelekel
Oh ei kin widen pehi kat pwehn kasalehda me sohte dipei.+
16 Ni ei kin song en wehwehkihla met,
E kin apwal ong ie
17 Lao I patohlong nan sapwellimen Koht wasa sarawi lingano,
Oh I ahpw dehdehkihda arail mour ni ahnsou kohkohdo.
18 Komw uhdahn ketikiniraildi nan wasa likekiris.+
Komw pahn ketin wiahiong ren pwupwudi oh mwomwla.+
19 Ia uwen ar pahn mwadangete mwomwla!+
Ia uwen eh pahn mwadang oh kamasepwehk imwilahrail!
20 Maing Siohwa, re rasehng ouraman ehu me kin manokonokla ni ar pirida,
Ni omw pahn ketida, komw pahn ketin soikirailla.*
22 Sohte ei madamadau oh I sohte kin wehwehki mehkot;
I duwehla mahn pweipwei men mwohmwi.
25 Mie emen tohrohr nanleng me kak sewese ie likin komwi?
Sohte mehkot nin sampah me I kin inengieng likin komwi.+
26 Paliwereiet oh mohngiongiet kak luwetala,
Ahpw Koht, me paip en ei mohngiong oh pwaisei kohkohlahte.+
27 Mehlel, irail akan me kin dohsang komwi pahn sohrala.
Komw pahn ketin kamwomwala* koaros me kin salelepek* ong komwi.+
28 A ngehi, en karanihala Koht kin mwahu ong ie.+
I wiahkilahr Kaun Wasa Lapalahpie, Siohwa, ei wasahn ruk,
Pwehn lohki sapwellimomwi doadoahk kan koaros.+