PEIDEK 14
Ia duwen omw kak wiahda koasoandi mwahu me pid omw pai kan?
“Mourenki kamadipw, wain, oh kisin tungoal kaselel kan sohte kak kakepwehpwehiukala.”
“Pekihsang emen mwohni, ke ahpw pahn wiahla lidun aramas me ke pekihsang mwohnio.”
“Pwe ihs rehmwail, nan eh koasoakoasoane en kauwada eh imwen doulik ehu, e soh pahn mwohndi mahs oh medemedewe uwen pweine, pwe en kilang ma mie reh mwohni me itar kanekehla ihmwo. Pwe ma e sohte pahn wia met, e sohte pahn kak kanekehla ihmwo mwurin eh kihdiongehr poahsoane. Aramas koaros me pahn kilang met, re pahn kouruhrki de kepitki, nda, ‘Aramas menet tapihada kauwada ihmw ehu, e ahpw sohte kanekehla!’”
“Ni ar medla, e ahpw ketin mahsanihong sapwellime tohnpadahk ko, ‘Kumwail doukada luhwarail kan, pwe ekis dehr lekdekla mwahl.’”