Kaiasada en Sises lel Selidi en Paul

Ni kasiluh en rahn mwehrin ah kamatala, Sises iasadahr. Ni rahno e pwarwong sapwellime werek kan pak limau. Sises kaukaule pwarwong irail erein rahn 40. Eri, ni en ekei sapwellime tohnpadahk kan kankakil, Sises poukadala nanleng. Rahn eisek mwuhri Koht wudekihdi ngehn sarawi pohn werek kan en Sises me awiawih nan Serusalem.

Mwuhri, imwintihti kan en Koht keselong ong nan imweteng wahnpoaron kan, ahpw tohnleng men kapitirailla. Irail kate tohnpadahk Stepen oh kamehla. Ah kitail pil sukuhliki duen Sises ketin pilada emen me uhweng ko pwen wia sapwellime ladu tohrohr, oh e wiahla wahnpoaron Paul. Eri, sounpahr siluh elep mwehrin kamatalahn Sises, Koht poronehla wahnpoaron Piter pwen kalohk ong mehn Liki Kornilius oh ah peneinei.

Kadekadeo sounpahr 13 mwuhri Paul tapiada keieun ah seilok. Nan ah seilok kariau Timoti iangala Paul. Kitail sukuhliki duen ahn Paul oh kiseh kan kin seilok ansou mwahu oh apwal ni ahr papah ong Koht. Ni kaimwisekela, Paul selidiong nan imweteng nan Rom. Sounpahr riau mwuhri e sapwadekela, ahpw pil pwurehng selidiong nan imweteng oh kamakamala. Mehkan me wiawi nan PALI 7 kin orapene wiewia en sounpahr 32.