Tepin Pwuhk
KAHREPEN PWUHK WET EH WIAWIHDA
Siohwa Koht ketin kangoange sapwellime aramas akan ren kin “rapahki” loalokong oh erpit duwehte arail kin rapahki “takai kesempwal me rir kan.” (Lep. Pad. 2:1-5) Met wehwehki me kitail anahne nantihong rapahki pasapengpen atail peidek kan me pid Paipel oh diarada sawas kan ong atail kapwunod kan nan mour. Sawas ong Wia Roporop en Sounkadehdehn Siohwa kan wiawihda pwehn seweseiuk ken wia roporop.
Pwuhk wet sohte kin kasalehda oaralap kan koaros me kohda nan neitail pwuhk kan. Ahpw, ong ehuehu oaralap me kileldi, e kin kasalehda mehnia pwuhk me koasoia ire kapw oh kesempwal me kawehwehdi ong lokaiahn Pohnpei, pali laud sang nan pahr 2000 kohdo.
IA DUWEN OMW PAHN TAPIHADA ROPOROP
Kilang Audepe kan nan pali kan me mi mwurin pali wet, oh pilada mehnia oaralap me pahn koasoia ire kan me ke mwahuki. Ele ke pahn anahne tehk ekei oaralap kan pwehn diarada ire pwukat. Sawaspen oaralap kan me mi pahn ehuehu oaralap pahn seweseiuk en diarada dahme ke raparapahki.
Mwurin mwo, kilang nempe en pali me kileldi oh rapahki oaralap oh sawaspen oaralap me ke pilada. Sang oaralap en ire kan de irelaud kan me kileldi wasao, pilada mehnia me ke men tehk. Ma pwuhk pwukat mi ni imwomwo, nan noumw computer ape, de nan library en amwail Wasahn Kaudok, rapahki ireo de irelaudo me kileldi. Tamataman me mehnda ma oaralap en ire ehu mwomwen sohte koasoia dahme ke raparapahki, ireo me kileldi pahn koasoia dahme ke raparapahki.
Ma ke raparapahki kawehwehpen iren Paipel ehu, tehk wasa me nda “Iren Paipel kan me Kawehwehdi.” Iren Paipel kante me kawehwehdier kin kohda wasaht.
Tamataman me ke kin rapahki “takai kesempwal me rir kan” me ke anahne doadoahngki ahnsou oh nanti laud pwehn diarada. Eri ken kanengamah ni omw rapahki pasapengpen peidek kan de kaweid kan me ke men ale. Ni omw pwurepwurehng doadoahngki Sawas ong Wia Roporop wet, e pahn mengeila oh kaperen en diarada ire kan me ke anahne. Siohwa pahn ketin katingih omw nanti oh seweseiuk ken diarada erpit oh loalokong.—Lep. Pad. 2:6; 4:5.
SAWAS:
❐ = Ire kan me koasoia oaralap tehieu
✎ = Ire kan me audaudki peidek kan ong DVD
§ = Sawaspen oaralap de pali
¶ = Parakrap (kan)
ire. = Irelaud de iren mehn kasukuhl
p. de pp. = Pali de pali kan
12/2004 = Sounpwong/Pahr
2/1/2010 = Sounpwong/Rahn/Pahr