Ahmw Lokaia Kin Doakoa De Kamwahuwiala?

EREIN ahnsou apwal pwukat, e sohte kapwuriamwei me tohto kin “mohngiong ohla” oh “ngehn ohla.” (Melkahka 34:18) Ihme karehda, nan mahsan kan en wahnpoaron Pohl, mie anahnepen en ahnsou koaros “lokaiahn kamweit ong me nsensuwedla kan” oh en “utungada me luwet akan.” (1 Deselonika 5:14) Ahpw iaduwen ma iengetail aramas men kin kansensuwedihala kitail de wiahda mehkot me inenen suwed? Nan soahngen irair wet, ele kitail pahn lemeleme me kitail ahneki pwung en lipwoare aramaso. Ahpw, kitail anahne kanaieng. Kaweid, mendahki e pwung en kohieng emen, kak kamedek ma e kin wiawi ni elen lemei. Lepin Padahk 12:18 mahsanih: “Lokaia mwahl kin kauwehla wasa rasehng kedlahs.”

Ihme karehda, ni ahnsou me kitail pahn kihda kaweid de kapwungala sawehwe ehu, e kesempwal en tamataman kaweid en Lepin Padahk 12:18: “Lokaiahn loalokong kin kamwahwihala wasa.” Ahnsou koaros pein kalelepek rehmw, ‘Ma I anahne kopwungpwungla, iaduwen I men aramaso en kopwungiehla?’ Pali moron en kitail kin mwekidki lokaiahn kangoang laudsang lokaiahn kauwe kan. Eri kalapw kapinga aramaso. Met pahn ahnsou koaros kihong aramaso me kansensuwedihala kitail ineng en men kapwungala ah wiewia, oh e uhdahn pahn kalahnganki sawas kan me kohwong ih.

Ia uwen kesempwal en ahnsou koaros doaloahki atail lokaia irair en karakarahk! Lokaia kan me pahn kamwahuwihala aramaso me wiahda sapwungo pahn karehong en ahneki soahngen pepehmohte me sounmelkahkao ahneki, oh me ntingihdi: “Aramas mwahu men kak kaloke oh lipwoare ie ni kadek.”​—⁠Melkahka 141:⁠5.