MAY 5-11

LEPIN PADAHK 12

Koul 101 oh Kapakap | Tepin Koasoi kan (minit 1)

SOAHNG KESEMPWAL KAN SANG MAHSEN EN KOHT

1. Mie Ketingpen Doadoahk Laud

(minit 10)

Dehr kauwehla mwahl ahnsou ong raparapahki soahng sohte katepe kan (Lep 12:11)

Doadoahk laud oh kin pwerisek (Lep 12:24; w16.06 31 par. 6)

Ke pahn ale ketingpen omw doadoahk laud (Lep 12:14)

Kilel kan: Brother men kin pwerisekiong eh doadoahk nin duwen soundoadoahk en paip (pipe fitter) men oh pil eh papah Siohwa. 1. E alialu oh kolokol nah mehn doadoahk ko. 2. E doadoahngki wrench ehu pwehn koadoahki paip laud ehu. 3. E iang eh peneinei towehda mihting. Ih oh nah kisin serepeino koaros kihda pehra ko pweh ira en pasapeng. 4. E doadoahngki kisin doaropwe ehu pwehn kalohk ong ohl emen ni wasahn ale gas.

IREN SAWAS: Kitail kak perenki atail doadoahk ni atail kin kilang ia duwen meteikan ar kin paiekihda.—Wi 20:35; w15 2/1 5 par. 4-6.

2. Ire Kesempwal kan

(minit 10)

Lep 12:16—Ia duwen mouren kaweid en iretikitik wet eh kak sewese aramas emen en kehlail ni eh lelohng irair apwal ehu? (ijwyp artikel 95 par. 10-11)

Omw pasapeng
Ire kesempwal dah kan sang wadawad en Paipel en wihket me ke men ehukihong meteikan?

Omw pasapeng

3. Wadawad en Paipel

(minit 4) Lep 12:1-20 (th mehn onop 5)

KAMWAHWIHALA OMW KOAHIEK NAN KALOHK

4. Tepida Koasoiong Emen

(minit 2) IHMW LEL IHMW. (lmd iren mehn kasukuhl 1 ire 4)

5. Tepida Koasoiong Emen

(minit 3) IHMW LEL IHMW. Kawehwehda mwomwen onop Paipel. (lmd iren mehn kasukuhl 5 ire 4)

6. Pwurehng Koasoipene

(minit 3) KALOHK NI AHNSOU SOHTE LIPILIPIL. Kasalehiong aramas emen me mie nah seri neitail website. (lmd iren mehn kasukuhl 9 ire 3)

7. Kawehwehda Dahme Ke Kin Kamehlele

(minit 3) Kamwomwada. ijwfq-E artikel 3—Oaralap: Ke Kin Kamehlele me Omw Pelien Lamalamo me Mehlel? (lmd iren mehn kasukuhl 4 ire 3)

MOMOUR NIN DUWEN KRISTIAN KEI

Koul 21

8. Ale Sawas Sang Siohwa ong Kahpwal en Mwohni

(minit 15) Padahk oh koasoiapene.

Ke kin pwunodki ma ke pahn kak diarada doadoahk ehu, luhs sang omw doadoahk, de sohte kak wiahda mwohni me itar met de ni omw pahn mahla? Koasoandien palien mwohni nan sampah wet kak mwadangete wekila. Ahpw, Siohwa ketin kamehlelehiong kitail me ma kitail kin mwohneki Ih mahs, E pahn kin ketin ahnsou koaros apwalihala atail anahn akan—pil ma kitail kin lelohng kahpwal en mwohni pwehki mie wekidekla laud wiawi.—Me 46:1-3; 127:2; Md 6:31-33.

Kilel ehu sang nan kisin kasdou “Jehovah Has Never Let Us Down.” Brother Alvarado koledi pehn eh pwoudo ni ih oh eh peneinei ar kapakap.

Kasalehda KISIN KASDO Jehovah Has Never Let Us Down. Mwuri idek rehn me rongorong kan:

Dahme ke sukuhlkihsang dahme wiawihong Brother Alvarado?

Omw pasapeng

Wadek 1 Timoty 5:8. Mwuri idek rehn me rongorong kan:

Ia duwen iretikitik wet eh kakehlakahla omw pwoson me Siohwa pahn ketin ahnsou koaros apwalihala anahn akan en sapwellime tohnkaudok kan?

Omw pasapeng

Medewehla ekei mouren kaweid en Paipel kan me kak seweseiuk ni ahnsou me mie omw kahpwal en mwohni:

Omw mour en dehr kedirepwki soahng kan me sohte nohn kesempwal. Katikala pweipwand oh pil katikala pwainda soahng kan me sohte katepe.—Md 6:22
Wiahda pilipil kan duwen doadoahk oh sukuhl me pahn mweidohng uhk en kak mwohneki mahs omw kaudok ong Siohwa.—Pil 1:9-11
Aktikitik oh toupahrek. Ma ke sohla doadoahk, ke men wia doadoahk sohte lipilipil—pil doadoahk tikitik kan—me kak seweseiuk ken apwalihala anahn en omw peneinei.—Lep 14:23
Kin men ehukihong meteikan dahme ke ahneki, mehnda ma ke sohte ahneki soahng tohto.—Ipr 13:16

9. Onop en Paipel en Mwomwohdiso

(minit 30) bt irelaud. 26 par. 1-8, koakon kan nan pali 234, 238