Melkahka kan
Ong sounpihtih keseng; ong ngilen keseng “Komw Dehr Ketin Kamwomwala.” En Depit melkahka. Mikdam.*
58 Ia duwe, kumwail kak koasoia dahme pwung ni amwail sohte mweseisei?+
Kumwail aramas akan, kumwail kak kadeik ni pwung?+
2 Ahpw kumwail kin koasoakoasoane mehkot suwed nan mohngiongimwail,+
Oh kumwail kin wia tiahk lemei nan sahpwet.+
3 Me suwed kin salsalongseli* sangete ni eh ipwidi;*
Re kin ketihwo oh kin likamw sangete ni ahnsou me re ipwidi.
4 Arail lokaia kan rasehng pwoisin en serpent kan;+
Re salengepon duwehte kopra* me kin pinahla salenge.
5 E sohte pahn rong ngilen sounkamande kan,
Mehnda ma re mai en kamande.
6 Maing Koht, komw ketin kamwerehsang ngihrail kan!
Maing Siohwa, komw ketin kauwehla tihn aupahn laion* pwukat!
7 Ren sohrala rasehng pihl kan me kin sohrala.
Koht en ketin kadangpeseng sapwellime kesik ketieu oh kesehkiniraildi sapwellime arep kan.
8 Ren duwehla dendenmwosi me kin peipeseng ni eh mwekimwekidwei;
Rasehng seri pwelel men me ipwidi mehla me sohte mwahn kilangedi ketipin.
9 Mwohn noumw einpwoat kan ar karakarkihda tuhke tekateko,
Koht pahn ketin ipirala kisin rah wisekesek oh lullulo, duwehte kisinieng en melimel ehu.+
10 Aramas pwung men pahn perenda pwehki eh kilang Koht eh ketin ikih aramas suwed kan;+
Neh kan pahn wisekesengkihla ntahn me suwed kan.+
11 Aramas akan ahpw pahn nda: “Mehlelete me aramas pwung men kin ale ketingpe.+
Mehlelete me mie Koht emen me kin ketin kadeik sampah.”+