• Kisinlikou ong Pahpa oh Nohno kan
    Nei Mehn Kasukuhl kan Sang nan Paipel

    • Kisinlikou ong Pahpa oh Nohno kan

      Soangen kisakis keieu kaselel dah me ke kak kihong noumw seri? Mie soahng tohto re kin anahne, iangahki omw limpoak, kaweid, oh pere irail. Ahpw nanpwungen mepwukat koaros, kisakis me keieu kesempwal me ke kak kihong irail iei ren sukuhlki duwen Siohwa oh me mehlel kan me dierek nan sapwellime Mahsen, iei Paipel. (Sohn 17:3) Soangen loalokong wet kak sewese noumw seri en kekeirda poakohng Siohwa oh papah ih sang nan arail mohngiong unsek, pil sangete ni arail tikitik.​—Madiu 21:16.

      Tohto pahpa nohno kan kin diarada me kisin seri kin keieu perenki mehn kasukuhl mwotomwot kan oh kisin soahng kaperen kan me re kak wia. Eri, se perenki kihda kisin pwuhk wet, me adaneki Nei Mehn Kasukuhl kan Sang nan Paipel. Ehuehu mehn kasukuhl kan wiawihda pwe ken kasukuhlih noumw seri ni ahl mengei. Kilel kan oh nting kan me mi loale wiawihda keieu ong seri me sounpar siluh oh tikitiksang. Mie kisin soahng kaperen kan me re pil kak wia. Nei Mehn Kasukuhl kan Sang nan Paipel kaidehn mehn mwadong ong seri. Ahpw, e wiawihda pwe kowe oh noumw seri en wadekpene. Met pahn sewese amwail kin koasoakoasoipene.

      Se kamehlele me pwuhk wet pahn wia mehn sawas mwahu ni omw pahn padahkihong noumw seri padahk mehlel en Paipel sangete ni arail “kisin seri.”​—2 Timoty 3:14, 15.

      Riamwail kan,

      Pwihn me Kin Apwalih Mwomwohdiso nan Sampah Pwon en Sounkadehdehn Siohwa kan

  • Iren Mehn Kasukuhl 1
    Nei Mehn Kasukuhl kan Sang nan Paipel

    • Iren Mehn Kasukuhl 1

      Kaudiahl 4:11

      Ihs me wiahda sampah?

      Ihs me wiahda nansed?

      Ihs me kapikada kowe oh ngehi?

      Ihs me wiahda lipahrourou iangahki eh pehn pihr lingan kan?

      Siohwa Koht me kapikada soahng koaros.

      ME KUMWA KAK WIA

      Wadek ong noumw seri:

      Kaudiahl 4:11

      Kihong noumw seri en idih:

      Usu kan Depwek kan Ketipi

      Pwoht Sampah Ihmw

      Nansed Lipahrourou

      Idek rehn noumw seri:

      Ia mwaren Koht?

      Iawasa Siohwa kin ketiket ie?

      Dahme e ketin kapikada?

  • Iren Mehn Kasukuhl 3
    Nei Mehn Kasukuhl kan Sang nan Paipel

    • Iren Mehn Kasukuhl 3

      1 Piter 3:8

      Depit esehda me kompoakepaho soumwahu.

      Eri e nda: “I ese dahme I pahn wia.

      I pahn ntingihong ih ehu kisinlikou pwehn kahrehiong ih en ekis nsenamwahula, oh ngehi eri pein wahla reh!”

      Kasalehda kadek, eri kumwa koaros pahn nsenamwahu!

      ME KUMWA KAK WIA

      Wadek ong noumw seri:

      1 Piter 3:8

      Kihong noumw seri en idih:

      Ihmw Tehpel Depit

      Ketipin Menpihr Tuhke

      Idek rehn noumw seri:

      Mie me ke ese me soumwahu?

      Ia duwen ata kak sewese aramaso en ekis nsenamwahula?

  • Iren Mehn Kasukuhl 4
    Nei Mehn Kasukuhl kan Sang nan Paipel

    • Iren Mehn Kasukuhl 4

      Wiewia 14:17

      Rahnen keteu.

      Tomoko sengisengki oh nda:

      “I sohte kak kohla liki.

      Dahme e sohte uhkihdi?”

      Ekei!

      Ketipino pwarada.

      Keteuo mahkada.

      Tomoko werki eh peren!

      E tangieila likio, ih perenkihda eh kilangada mehkot kapwuriamwei.

      Tomoko nda, “I sohte ese me keteu sang rehn Koht kin kahrehda wahnrohs en wosada!”

      ME KUMWA KAK WIA

      Wadek ong noumw seri:

      Wiewia 14:17

      Kihong noumw seri en idih:

      Wenihmwtok Menpihr Tomoko

      Tuhke Wahnrohs kan

      Rapahkihda soahng pwukat.

      Mpwei Sompihr

      Idek rehn noumw seri:

      Dahme kahrehda Siohwa ketin wiahda keteu?

  • Iren Mehn Kasukuhl 5
    Nei Mehn Kasukuhl kan Sang nan Paipel

    • Iren Mehn Kasukuhl 5

      1 Deselonika 5:18

      Ma kompoakepahmw men kihong uhk kisakis ehu de wia mehkot mwahu, ke kak sireiong ih—de kasalehda omw perenki oh kalahnganki!

      Ahpw sohte lipilipil wasa ke mi ie oh sohte lipilipil dahme ke wia, Ahnsou koaros taman nda “Kalahngan!”

      ME KUMWA KAK WIA

      Wadek ong noumw seri:

      1 Deselonika 5:18

      Kihong noumw seri en idih:

      Kisakis Pwutak

      Wenihmw Mwenge

      Rapahkihda soahng pwukat.

      Apel Delepwohn

      Idek rehn noumw seri:

      Dahme kahrehda e mwahu en nda “Kalahngan”?

  • Iren Mehn Kasukuhl 6
    Nei Mehn Kasukuhl kan Sang nan Paipel

    • Iren Mehn Kasukuhl 6

      Melkahka 139:13, 14

      Kilang sendin pehmw kan, oh kamwakid sendin nehmw kan.

      Idih salengomwen oh pil tumwomwen.

      Kilang nehmw kan me kahrehiong ken kak tang, en lus oh en pir oh wia soahng kaperen tohto!

      Irongen nan kilahs, oh dahme ke kilang?

      Siohwa ketin wiahda soahng koaros kaselel!

      ME KUMWA KAK WIA

      Wadek ong noumw seri:

      Melkahka 139:13, 14

      Kihong noumw seri en idih:

      Sendinpeh ko Sendinneh ko Tumweo

      Salenge ko Eweo

      Rapahkihda soahng pwukat.

      Elimoang Kaht

      Idek rehn noumw seri:

      Ihs me kapikada kowe oh ngehi?